234 REGISTRES

" SireNicolas Paulmier, Quartenier de ladicte Ville, appellez voz cinquanteniers et dixiniers et avecq eulx faictes roolle et description de tous les notables enffans de ceste Ville, aagez depuis dix huict jusques à trente cinq ans, lequel roolle nous apporterez ou envoyrez dedans demain, n

Ce que lesdictz Quarteniers auroient faict, quelques jours après, chacun particullierement¹¹'. Lesquelz roolles veuz au Bureau de ladicte Ville par mesdictz sieurs, ilz auroient, tous aultres affaires postposez, vacqué à mander chacun jour au Bureau d'icelle lesdictz enffans de la Ville, tant ceulx desnommez esdictz roolles que aultres qu'ilz cognoissent propres et de la sorte requise, pour assister à cheval et en armes esdictes entrées, iceulx receuz, oys, admonestez et excitez de ce faire, et pour cest effect qu'ilz eussent à eulx fournir de cheval, armes, habitz et accoustremens honnestes, suivant la declaration et pourtraict qu'ilz leur en auroient faict faire et bailler par les Quarteniers de leurs quartiers, le plustost que faire se pourroit.

Bonne partie desquelz affectionnez et à leur Roy et à leur Ville, congnoissans que à ce ilz estoient obligez par debvoir, auroient voluntairement et liberallement promis ce faire; et les aultres n'ayans peult estre les moyens, facultez ou dextérité telz qu'il est requis à chose de si haulte entreprinse, touchez neantmoings de la mesme affection, s'en seroient du commencement aulcunement excusez pour ne leur rester que la bonne volunté, leur estant du tout def-faillye la puissance, comme ilz disoient. Toutesfois après plusieurs remonstrances et admonitions sur ce à eulx faictes par mondict sieur le Prevost des Marchans, la meilleure part d'iceulx auroict aussy promis et accordé ce faire. Et pour le regard de ceulx qui estoient notoirement riches et oppulans en biens, propres et adextrés à ce que dessus, et neantmoings refroidis et reffuzans, icelluy s^r Prevost leur auroyt commandé et enjoinct obbeyr et eulx garnir et

DU BUREAU [1571]

fournir de chacun ung beau cheval de service, habitz et accoustremens honnestes, et d'iceulx faire monstre dedans quinzaine prochainement venant, en peine de cent marcs d'argent chacun deffaillant, et à mesure qu'ilz auroient promis, signé sur une promesse où estoit escript ce qui s'ensuict :

"Nous soubzsignez avons promis et promettons, par ces presentes signées de noz mains, à nosseigneurs les Prevost des Marchans et Eschevins de ceste ville de Paris, de nous armer, monter et équiper d'habitz, armes et chevaulx, selon les desseings et pourtraictz qui nous seront communiquez, et nous trouver en tel ordre et ecquipaiges aux entrées du Roy et de la Royne, et à telle heure qu'il plaira à nosdictz seigneurs de ladicte Ville nous mander, et obeyr à leurs commandemens et à celluy de nostre cappitaine. En foy de quoy, nous avons signé ceste presente, au grand Bureau et Chambre du Conseil de ladicte Ville, le quatorzeiesme jour de Decembre l'an m. v° soixante dix '²>. n

[4. — Convocations des gens de métier.]

Octobre 1570. (A, fol. 75v°; B, fol. 225 v°.)

Et quant aux gens de mestier de ladicte Ville, qui de tout temps et ancienneté ont accoustumé et sont tenuz assister ausdictes entrées, auroient esté mandez separement et à part au Bureau d'icelle Ville, durant tout le mois d'Octobre oudict an ; et après avoir esté iceulx amplement certiorez et advisez de la volunté et commandement du Rov, excitez et comman-

■t »

dez par mesdiclz sieurs de eulx assembler et adviser entre eulx à ce qui estoit necessaire, chacun en leur regard, pour le faict desdictes entrées, mesmes fournir, habiller et armer, aux despens des communaui-tez desdictz mestiers, le nombre d'hommes vestuz et armez des habitz et armes qu'ilz leur auroient ordonnez et commandez, leur auroit esté expedyé et envoyé mandement, à chacun mestier particullierement, dont la coppie de l'ung d'iceulx seullement, pour eviter prolixité, est cy transcripte :

l') On conserve parmi Ies Acquits du Domaine les rôles des trois quartiers de Maheut, Bellier et Parfait, compris entre la rue Montmartre, les Halles et la rue Vieille-du-Temple. C'est une minute avec les annotations marginales du sergent de l'Hotel de Ville, chargé d'aller faire les convocations à domicile. Les listes contenaient simplement les noms des fils de notables; le sergent y ajoutait l'adresse par rue ou enseigne, quand il le jugeait à propos ou pour aider sa mémoire, la mention de la personne à qui il s'était adressé et les refus qu'il avait essuyés. Au bas du rôle se trouve le petit procès-verbal qui suit : -De l'ordonnance verballe de Messieurs les Prevost des Marchans et Eschevins de ceste ville de Paris, j'ay, sergent en l'Hostel de ladicte Ville soubzsigné, faict commandement aulx personnes desnommez en ce present rolle, en parlant selon et ainsi qu'il est contenu en la marge d'icelluy, de comparoir demain au Bureau de ladicte Ville, affin de signer sur le rolle des enfans de Paris, pour assister à l'entrée du Roy et de la Royne. Faict le XVIIl⁰ octobre mil v'lxx, presens Pierre Tassart, Jehan Petit et aultres». Signé : "G. Lassierd. (Archives nat., H 2o65^s.)

'-' Cette formule d'engagement ne se trouve que dans le Registre B. La place est restée en blanc dans A.



	234 REGISTRES " SireNicolas Paulmier, Quartenier de ladicte Ville, appellez voz cinquanteniers et dixiniers et avecq eulx faictes roolle et description de tous les notables enffans de ceste Ville, aagez depuis dix huict jusques à trente cinq ans, lequel roolle nous apporterez ou envoyrez dedans demain, n Ce que lesdictz Quarteniers auroient faict, quelques jours après, chacun particullierement¹¹'. Lesquelz roolles veuz au Bureau de ladicte Ville par mesdictz sieurs, ilz auroient, tous aultres affaires postposez, vacqué à mander chacun jour au Bureau d'icelle lesdictz enffans de la Ville, tant ceulx desnommez esdictz roolles que aultres qu'ilz cognoissent propres et de la sorte requise, pour assister à cheval et en armes esdictes entrées, iceulx receuz, oys, admonestez et excitez de ce faire, et pour cest effect qu'ilz eussent à eulx fournir de cheval, armes, habitz et accoustremens honnestes, suivant la declaration et pourtraict qu'ilz leur en auroient faict faire et bailler par les Quarteniers de leurs quartiers, le plustost que faire se pourroit. Bonne partie desquelz affectionnez et à leur Roy et à leur Ville, congnoissans que à ce ilz estoient obligez par debvoir, auroient voluntairement et liberallement promis ce faire; et les aultres n'ayans peult estre les moyens, facultez ou dextérité telz qu'il est requis à chose de si haulte entreprinse, touchez neantmoings de la mesme affection, s'en seroient du commencement aulcunement excusez pour ne leur rester que la bonne volunté, leur estant du tout def-faillye la puissance, comme ilz disoient. Toutesfois après plusieurs remonstrances et admonitions sur ce à eulx faictes par mondict sieur le Prevost des Marchans, la meilleure part d'iceulx auroict aussy promis et accordé ce faire. Et pour le regard de ceulx qui estoient notoirement riches et oppulans en biens, propres et adextrés à ce que dessus, et neantmoings refroidis et reffuzans, icelluy s^r Prevost leur auroyt commandé et enjoinct obbeyr et eulx garnir et	DU BUREAU [1571] fournir de chacun ung beau cheval de service, habitz et accoustremens honnestes, et d'iceulx faire monstre dedans quinzaine prochainement venant, en peine de cent marcs d'argent chacun deffaillant, et à mesure qu'ilz auroient promis, signé sur une promesse où estoit escript ce qui s'ensuict : "Nous soubzsignez avons promis et promettons, par ces presentes signées de noz mains, à nosseigneurs les Prevost des Marchans et Eschevins de ceste ville de Paris, de nous armer, monter et équiper d'habitz, armes et chevaulx, selon les desseings et pourtraictz qui nous seront communiquez, et nous trouver en tel ordre et ecquipaiges aux entrées du Roy et de la Royne, et à telle heure qu'il plaira à nosdictz seigneurs de ladicte Ville nous mander, et obeyr à leurs commandemens et à celluy de nostre cappitaine. En foy de quoy, nous avons signé ceste presente, au grand Bureau et Chambre du Conseil de ladicte Ville, le quatorzeiesme jour de Decembre l'an m. v° soixante dix '²>. n [4. — Convocations des gens de métier.] Octobre 1570. (A, fol. 75v°; B, fol. 225 v°.) Et quant aux gens de mestier de ladicte Ville, qui de tout temps et ancienneté ont accoustumé et sont tenuz assister ausdictes entrées, auroient esté mandez separement et à part au Bureau d'icelle Ville, durant tout le mois d'Octobre oudict an ; et après avoir esté iceulx amplement certiorez et advisez de la volunté et commandement du Rov, excitez et comman- ■t » dez par mesdiclz sieurs de eulx assembler et adviser entre eulx à ce qui estoit necessaire, chacun en leur regard, pour le faict desdictes entrées, mesmes fournir, habiller et armer, aux despens des communaui-tez desdictz mestiers, le nombre d'hommes vestuz et armez des habitz et armes qu'ilz leur auroient ordonnez et commandez, leur auroit esté expedyé et envoyé mandement, à chacun mestier particullierement, dont la coppie de l'ung d'iceulx seullement, pour eviter prolixité, est cy transcripte :

	l') On conserve parmi Ies Acquits du Domaine les rôles des trois quartiers de Maheut, Bellier et Parfait, compris entre la rue Montmartre, les Halles et la rue Vieille-du-Temple. C'est une minute avec les annotations marginales du sergent de l'Hotel de Ville, chargé d'aller faire les convocations à domicile. Les listes contenaient simplement les noms des fils de notables; le sergent y ajoutait l'adresse par rue ou enseigne, quand il le jugeait à propos ou pour aider sa mémoire, la mention de la personne à qui il s'était adressé et les refus qu'il avait essuyés. Au bas du rôle se trouve le petit procès-verbal qui suit : -De l'ordonnance verballe de Messieurs les Prevost des Marchans et Eschevins de ceste ville de Paris, j'ay, sergent en l'Hostel de ladicte Ville soubzsigné, faict commandement aulx personnes desnommez en ce present rolle, en parlant selon et ainsi qu'il est contenu en la marge d'icelluy, de comparoir demain au Bureau de ladicte Ville, affin de signer sur le rolle des enfans de Paris, pour assister à l'entrée du Roy et de la Royne. Faict le XVIIl⁰ octobre mil v'lxx, presens Pierre Tassart, Jehan Petit et aultres». Signé : "G. Lassierd. (Archives nat., H 2o65^s.) '-' Cette formule d'engagement ne se trouve que dans le Registre B. La place est restée en blanc dans A.